Poem

by: Dinesh Tripathi (on: Oct 9, 2019)
Category: Poem   Language: Hindi
tags: POEM
Jeevan ke 45 paar ka mard,
Kaysa hota hai ,
Thodi si safedi kanpatinyo ke pass,
Khul raha ho jayse aasma barish ke bad ,
Zimedarnyo ke bojh se jhukate huye kandhe,,
Zindagi ki bhathi me khud ko galata huya,,
Anubhaw ki punji hath me liye,,
Parivar ko wo sab dene ki jadojahad me,,
Jo use nahi mil paya tha,,
Bas bahe ja raha hai samay ki dhaara me,,
Biwi aur pyaare se baccho me,,
Pura din duniya se ladkar thaka hara,,
Rat ko ghar aata hai, sukun ki talas me,,
Lakin kya mil pata hai sukun use,,
Dawaje pe hi tayar hai bacche,,
Papa se ye mangaya tha.wo mangaya tha,,
Nahi laaye to ku nahi laaye,,
Laaye to ye ku laaye , wo ku nahi laaye,,
Ab wo kya kahe baccho se,,
Ki jeb me payse thode kam thy,,
Kabhi pyaar se kabhi dat kar ,,
Samjha deta hai unko,,
Ek bund aansu ki jami rah jaati hai aakh ke kone me,,
Lakin dikhati nahi baccho ko,,
Us din dikhegi unhe, jab wo khud ban jayenge Maa-Baap,,
Apne baccho ke,,
Khane ki thali me do roti ke sath,,
Parosh di hai patni ne das chintaye,,
Kabhi*
Tumhi ne baccho ko sar chadha rakha hai,,
Kuch kahte hi nahi....kabhi.,,
Har waqt datate hi rahte ho baccho ko,,
Kabhi pyaar se baat bhi kar liya karo,,
Ladki sayani ho rahi hai,,
Tumhe to kuch dikhayi hi nahi deta,,
Ladka hath se nikala ja raha hai,,
Tumhe to koi fikra hi nahi hai,,
Padosinyo ke jhagade , muhalle ke baate,,
Sikawe sikayate duniya bhar ki,,
Sabko pani ke ghut ke sath ,,
Gale ke niche utar leta hai,,
Jisne ek bar halahal paan kiya,,
Wo sadinyo Neelkanth ban pooja gaya,,
Yanha roj thoda-thoda bis pina padta hai,,
Zinda rahne ki chah me,,
Fir letate hi bistar pe,,
Mar jaata hai ek rat ke liye,,
Ku ki..
Subah fir zinda hona hai ,,
Kaam par jana hai,,
Kama kar laana hai,,
Tki ghar chal sake,,
Taki ghar chal sake .....?..??
score: 9.43918
average: 10.0
Ratings: 4
 
« send to friends»
URL (link) to this writing. You can copy and paste this in your email to send to your contacts:
 
Not good
Ok
Excellent!
 
 
 

Comments

[View All Comments]
 
411 days ago
Rating: 10
 
 
412 days ago
ryt
 
 
412 days ago
Rating: 10
 
 
412 days ago
Rating: 10
 
 
412 days ago
yahi jeevan ki sachai h...bahut achha likha h...
 
 
415 days ago
bahoot khub likhe hai ..its true in life
 
 
415 days ago
Rating: 10
 
[View All Comments]